မြန်မာ့လွတ်လပ်ရေးနေ့

မြန်မာနိုင်ငံသည် ဗြိတိသျှ နယ်ချဲ့တို့၏ လက်အောက်ခံ ကိုလိုနီ ဘ၀မှ ၁၉၄၈ခုနှစ်၊ ဇန်န၀ါရီလ ၄ ရက်နေ့တွင် လွတ်လပ်ရေး ရရှိခဲ့သည်. . . မြန်မာနိုင်ငံသည် ကိုယ့်မင်းကိုယ့်ချင်း လွတ်လပ်သော နိုင်ငံအဖြစ် လွန်ခဲ့သော နှစ်ပေါင်း တစ်ထောင်ခန့်မှစ၍ ရပ်တည်လာခဲ့သော နိုင်ငံဖြစ်သည်. . . သို့သော ၁၈၂၄ ခုနှစ်တွင် တစ်ကြိမ်၊ ၁၈၅၂ ခုနှစ်တွင် တစ်ကြိမ်၊ ၁၈၈၅ ခုနှစ်တွင် တစ်ကြိမ် သုံးကြိမ်တိုင်တိုင် အင်္ဂလိပ်၏ နယ်ချဲ့စစ်ပွဲများကို ရင်ဆိုင်ခဲ့ရပြီး နောက် ကိုလိုနီဘ၀သို့ ကျရောက်ခဲ့ရသည်။

သူ့ကျွန်အဖြစ် မခံလိုသူ တိုင်းရင်းသားများသည် ရရာလက်နက် ၊ လူသူစုစည်း၍ နေရာအနှံ့မှာ ထကြွပုန်ကုန် ကြသည်. . သို့သော် မအောင်မြင်ခဲ့ပေ. . . ၁၉၀၀ ပြည့်နှစ် လွန်မြောက်ပြီးသည့်နောက် ၀ိုင်အမ်ဘီအေ။ ဂျီစီဘီအေ အသင်းများ တည်ထောင်ကာ အမျိုး၊ ဘာသာ၊ သာသနာ အတွက် စည်းရုံးလှုပ်ရှားခဲ့ကြသည်. . . ၁၉၂၀ပြည့်နှစ်တွင် ပထမတက္ကသိုလ် ကျောင်းသားသပိတ်၊ ၁၉၃၀ ပြည့်နှစ်တွင် ဆရာစံဦးဆောင်သည့် တောင်သူလယ်သမား အရေးတော်ပုံ တို့ ဆင့်ကဲ ပေါ်ပေါက်ခဲ့သည်. . ထို့နောက် တို့ဗမာအစည်းအရုံး တည်ထောင်ပြီး နယ်ချဲ့ဆန့်ကျင်ရေး၊ အမျိုးသား လွတ်မြောက်ရေး တိုက်ပွဲကို ပြောင်ပြောင်တင်းတင်း လုပ်ကိုင် ဆောင်ရွက်ကြသည်. . .

ယင်းနောက်ပိုင်းတွင် လက်နက်ကိုင်တော်လှန်ရေး အဆင့်သို့ ကူးပြောင်းပြီး ဂျပန်၏ အကူအညီနှင့် မြန်မာ့ လွတ်လပ်ရေး တပ်မတော်ကို ဖွဲ့စည်းခဲ့ပါသည်. . . ဂျပန်နှင့်ပူးပေါင်း၍ ဗြိတိသျှ တို့ကို တိုက်ခိုက်ခဲ့သည်. . သို့သော် ကျားကြောက်လို့ ရှင်ကြီးကိုး ၊ရှင်ကြီးကျားထက်ဆိုး ဆိုသကဲ့သို့ ဖက်ဆစ်ဂျပန်သည် နယ်ချဲ့အင်္ဂလိပ်ထက် ရက်စက် ကြမ်းကြုတ်စွာ ပြုမူဆက်ဆံခဲ့သည်. .

၁၉၄၂ ခုနှစ်မှ ၁၉၄၅ ခုနှစ်ထိ သုံးနှစ်တာ ဖက်ဆစ်တို့ နှိပ်စက်ညှဉ်းပန်းသည့် ဒဏ်ကို မြန်မာတို့ခံခဲ့ရသည်. . . ၁၉၄၅ခုနှစ် ၊မတ်လတွင် ပြည်သူတစ်ရပ်လုံး ပါဝင့်သည့် ဖက်ဆစ်တော်လှန်ရေးကို ဆင်နွဲခဲ့ကြသည်. . . ဖက်ဆစ်တို့ မြန်မာ့မြေပေါ် မှ မရှုမလှ ဆုတ်ခွာသွားကြရသည်. . ထိုအခါ ဗြိတိသျှ မဟာမိတ်တပ်များ ရောက်လာပြီး ဆက်လက် အုပ်ချုပ်ရန်ရည်ရွယ်ခဲ့သည်. . . သို့သော် မြန်မာပြည်သူလူထုသည် လုံးဝ လွတ်လပ်ရေးကိုသာ လိုချင်ကြသည်. . ကျွန်ဘ၀တွင် ဆက်လက် မနေလိုကြတော့ချေ။

ပြည်သူတစ်ရပ်လုံး၏ ဆန္ဒအင်အား ကြီးမားမှု၊ ခေါင်းဆောင်ဖြစ်သူ ဗိုလ်ချုပ်အောင်ဆန်း၏ ရွပ်ရွပ်ချွံချွံ ဆောင်ရွက်မှုတို့ကြောင့် လွတ်လပ်ရေး ပန်းတိုင်သည်. . နီးသည်ထက် နီးကပ်လာခဲ့သည်. . . တစ်နှစ်အတွင်း လွတ်လပ်ရေး ရတော့မည်ဟု သိရှိထားချိန် ၁၉၄၇ ခုနှစ်တွင် အမျိုးသား ခေါင်းဆောင်ကြီး ဗိုလ်ချုပ်အောင်ဆန်း လုပ်ကြံခံခဲ့ရသည်. . မြန်မာပြည်သူတို့အတွက် အစားထိုး၍ မရနိုင်သော ဆုံးရှုံးမှု ကြီးဖြစ်ခဲ့ရသည်. .

သို့သော တိုင်းရင်းသား ပြည်သူအားလုံး၏ စည်းလုံး ညီညွတ်မှု အားမာန် ဖြင့် ဆက်လက်ကြိုးပမ်းခဲ့ရာ ၁၉၄၈ ခုနှစ်၊ ဇန်န၀ါရီလ ၄ ရက်နေ့၊ နံနက် ၄ နာရီ မိနစ် ၂၀ အချိန်တွင် မြန်မာပြည် လွတ်လပ်ရေး ရခဲ့သည်. . လွတ်လပ်ရေး ကြိုးပမ်းမှုသမိုင်းတွင် ပြည်သူတို့၏ အသက်အိုးအိမ် စည်းစိမ်များစွာ စတေးခဲ့ရသည်. . . အမျိုးသား ခေါင်းဆောင်များ၏ အသက်ကို ပေးခဲ့ရသည်. . လွတ်လပ် ရေးအတွက် မြုပ်နှံခဲ့ရသော အရင်းအနှီးကား ကြီးမားလှပေသည်. .

လွတ်လပ်ရေးဆိုသည်မျာ လေနှင့်လည်းတူသည် ရေနှင့်လည်းတူသည်၊ ကျန်းမာခြင်းနှင့်လည်း တူသည် လေကို အလွယ်တကူ ရှုရှိုက်နေရစဉ်၌ လေ၏တန်ဖိုးကို မသိနိုင် ထိုနည်းတူပင် ရေ၏တန်ဖိုး၊ ကျန်းမာခြင်း၏ တန်ဖိုးတို့ကိုလည်း အဆင်သင့်ရနေချိန်နှင့် သွားလာ လုပ်ကိုင်နေရချိန်၌ အရေးမထားမိတတ်ကြချေ။

လွတ်လပ်ရေးသည်လည်း ထို့အတူပင်ဖြစ်သည် . . . လွတ်လပ်နေချိန်၌ လွတ်လပ်ခြင်း၏ တန်ဖိုးကို မသိနိုင် လွတ်လပ်ရေး ဆုံးရှုံးချိန်ကျမှသာလွတ်လပ်ခြင်း၏ အရသာနှင့် တန်ဖိုးကို ကောင်းစွာ သိရှိနိုင်သည်. . .

မြန်မာတို့ လက်ဝယ်ရရှိပြီးသော လွတ်လပ်ရေးကို ထာဝစဉ် တည်တံ့အောင် ထိန်းသိမ်းထားဖို့ လိုသည်. . လွတ်လပ်သော လူမျိုးတစ်မျိူး၏ တာဝန်မှာ လွတ်လပ်ရေးနှင့် ထိုက်တန် အောင် နေတတ်ရသည်. . စည်းနှင့် ကမ်းနှင့် နေတတ်ရသည်. . လွတ်လပ်ရေးနှင့် အချုပ်အခြာ အာဏာကို ထိပါးလာမည့် ပြည်တွင်းပြည်ပ အဖျက်ရန်မှန်သမျှကိုလည်း အမြဲ တစေ သတိထား၍ ရှင်းလင်းသုတ်သင်နေရသည်. . . သို့မှာသာ လွတ်လပ်ရေး အဓွန့်ရှည်၍ ပြည်သူတို့၏ဘ၀ သာယာဝပြောမည် ဖြစ်ပေသည်. .

ဒေါ်နုကြည်( မဟာဝိဇ္ဖာ)

အားလုံးကိုချစ်ခင်လေးစားလျှက်. . . .

The Nu-Attlee Agreement

The Nu-Attlee Agreement was signed on October 1, 1947 in London.
With this agreement Burma regained independence from Britain.
The Union of the Republic of Burma has become an Independent Sovereign State.
၁၉၄၇ခု အောက်တိုဘာလ ၁ရက် မြန်မာ့လွတ်လပ်ရေးအတွက် ချုပ်ဆိုသော နု-အက်တလီ စာချုပ် မှတ်တမ်းတင် ရုပ်ရှင် (ဗြိတိသျှမှတ်တမ်းရုံး)

ပြည်တော်သာခေတ်ဟောင်းက ပြည်မြန်မာ (အပိုင်း ၁-၂)

  ဒေါက်တာမောင်မောင်ကြီး –

နိဒါန်း
လွန်ခဲ့တဲ့အနှစ် ၃၀ လောက်က မဆလခေတ်မှာ အသက်နှစ်ဆယ်လောက်ရှိတဲ့ လူငယ်တစ်သိုက်ကို  ပြည်တော်သာခေတ်က စာအုပ်စာတမ်းများကိုပြလိုက်မိတော့ အဲဒီအထဲမှာပါတဲ့ကုမ္ပဏီပစ္စည်း ကြော်ငြာ ဈေးနှုံးတွေကိုကြည့်ပြီး ၊ အစစရှားပါးနေတဲ့မဆလခေတ်နဲ့နှိုင်းယှဉ်ကာ “အကိုကြီးရယ်ဒါကျနော်တို့ ဗမာ ပြည်မှ ဟုတ်ရဲလား”လို့ သနားစရာမေးရှာပါတယ်။
 မဆလခေတ် ဗမာပြည်ကလည်း အစစအရာရာမှာ ရှားပါးနေပြီး “ဘာမေးရှားနိုင်ငံ” ဖြစ်နေတော့ ပြည်တော်သာခေတ်က ဘာမဆိုဝယ်ချင်တာရနေပြီး၊ ဈေးတွေကလည်းပေါတော့ သူတို့ အတွက်က အံသြစရာကြီးဖြစ်နေတာပေါ့။
အခုခေတ်ဗမာပြည်ကလူငယ်တွေကို  ပြည်တော်သာခေတ်က စာအုပ်တွေပြရင် ပစ္စည်းမျိုးစုံကတော့ ဗမာပြည်မှာလဲဝယ်လို့ ရနေပြီဖြစ်လို့ သိပ်အံသြမှာမဟုတ်ပေမဲ့  ထမင်း အဝစား ပြား၅၀ ၊ ရန်ကုန်နဲ့ အင်းစိန် ဘတ်စ်ကားခ ၃၅  ပြား၊ မုန်းဟင်းခါး တစ်ပွဲ ၁၅  ပြား၊ အကြော်နဲ့  ပြား ၂၀၊ ဘူးသီးကြော် တစ် ချပ် ၅  ပြား၊ ဒန်ပေါက်ထမင်း တစ်ပွဲ တစ်ကျပ်၊ ဘဲဥဆယ်လုံးတစ်ကျပ်၊ ဝက်သားတစ်ပိသ်သာ (‘သ’ ကြီးကို window 8.1 နဲ့ရေးမရလို့ ရတဲ့နည်းနဲ့ရေးရတာပါ) နှစ်ကျပ်၊ ကြက်သား သုံးကျပ်၊ စတဲ့ ရန်ကုန် ပေါက်ဈေးတွေ (နယ်တွေမှာဒီ့ထက်ပေါတယ်)ကိုမြင်လိုက်ရရင်  သူတို့ ဘာပြောမလဲ မသိဘူး။
အစစအရာရာ ဈေးပေါနေတော့လည်း အဲဒီခေတ်ကလခအနည်းဆုံးဖြစ်တဲ့ တလ ၈၂ ကျပ်ဘဲရတဲ့မင်းစေ ဟာလည်း  မိသားစုကို ဝအောင်ကျွေးနိုင်၊  ကလေးတွေကို ကျောင်းထားနိုင်ခဲ့ ပါတယ်။ သူတို့မိသားစုမှာ လဲရွှေတွဲလဲငွေတွဲလဲနဲ့ပါ။ ရွှေဈေးကလဲ အကောင်းဆုံး ပရပိုက်ခေါက်မှ အလေးချိန် တစ်ကျပ်သားကို ကျပ်ငွေနှစ်ရာဘဲပေးရပါတယ်။

ငွေကြေးစံနစ်
လွတ်လပ်ရေးရပြီးစကကိုလိုနီခေတ်ကသုံးခဲ့တဲ့အိန္ဒိယသုံးငွေကိုဆက်သုံးရသေးတယ်။ ၃ပိုင်တစ်ပြား၊ ၄  ပြားတစ်ပဲ၊ ၁၆ပဲ (ဝါ) ၆၄ပြားတစ်ကျပ်ပေါ့။ အင်္ဂလိပ်လိုကတော့ ကုလားအခေါ်တွေကိုသုံပြီး 3 Pai one Paisa, 4 Paisa one Anna, 16 Annas or 64 Paisa one Rupee ပေါ့။  မြန်မာပြည်မှာ ကိုလိုနီခေတ် အစပိုင်းကသာ ပိုင်ကိုသုံးပေမဲ့ နောက်ပိုင်းမှာ ပြား ဟာ အငယ်ဆုံးသုံးငွေပါ။ အိန္ဒိယမှာတော့ လူတွေဟာ ပိုဆင်းရဲကြလို့  ဒုတိယကမ္ဘာစစ်ဖြစ်ချိန်အထိ ပိုင် ကိုသုံးနေခဲ့တယ်လို့ လူကြီးသူမတွေပြောတာ ကြားဖူးပါ ရဲ့။ လွတ်လပ်ရေးရပြီးပေမဲ့ ရန်ကုန်ဟာ ကုလားမြို့တစ်ပိုင်းဖြစ်နေတုန်းမို့ ကုလားတန်းမှာဈေးဝယ်ရင် ၆ ပြား (ဝါ) ၁ပဲ၂ပြားကို ကုလားလို “ဆတ်ပိုက်ဆား” (ဝါ)” ယေးအန်းနား ဒိုး ပိုက်ဆား”။ ၁ကျပ်ခွဲဆိုတာ ၁ ကျပ် ရှစ်ပဲမို့ ကုလားလို” ယေးရူပြားအတ်အန်းနား” ဆိုတာတွေကို အဲဒီခေတ်က ရန်ကုန်သူ၊ ရန်ုကုန်သား   တွေတတ်ခဲ့ ကြတယ်။ အဲဒီစနစ်ဟာ လွတ်လပ်ရေးရပြီး ၁၉၅၃ခုထိရှိနေသေးတယ်။ ၁၉၅၃ ခုမှာမှ မြန်မာ ဘုရင်တွေ သုံးခဲ့တဲ့ ပြား ၁၀၀ တစ်ကျပ်စနစ်ပြန်သုံးနိုင်တာပါ။
လန်ချား
လွတ်လပ်ရေးရပြီးစက လူဆွဲတဲ့လန်ချားတွေလဲရှိပါတယ်။ လန်ချားကုလားတွေဟာ ဂေါ်ရင်ဂျီကုလားတွေ ဆိုတော့ “ဒိုင်းနား၊ ဘားယား” (ညာဘက်ကွေ့၊ ဘယ်ဘက် ချိုး)၊ “ဟိုး” (ရပ်)၊ “ဂျောင်း” (သွား) စတဲ့ ဂေါ်  ရင်ဂျီစကားလောက်တော့ ရန်ကုန်သူ၊ ရန်ုကုန်သားတွေတတ်ခဲ့ကြတယ်။ ၁၉၅၁ လောက်မှာ ဖဆပလ  အစိုးရက လူဆွဲရတဲ့လန်ချားဟာ လူ့သိက္ခာညှိုးနွမ်းစေတဲ့ အလုပ်ဆိုပြီး လန်ချားတွေပိတ်လိုက်ပါတယ်။   ပြည်တွင်းစစ်ဖြစ်ပြီး တောနယ်တွေကစစ်ပြေးဒုက္ခသည်တွေ ရန်ကုန်ရောက်လာပြီး ကျူးကျော်ရပ်ကွက် တွေ၊  ကွက်သစ်တွေပေါ်လာတော့မှ ကုလားမြို့ဖြစ်နေခဲ့တဲ့ ရန်ကုန်ဟာ ဗမာမြို့ဖြစ်လာတာပါ။
၁၉၅၈ ခု ဖဆပလ နှစ်ချမ်းကွဲတော့ ဖဆပလ အမတ်အများစုက ဆွေ-ငြိမ်း အဖွဲ့ကိုထောက်ခံတယ်။ ဒါပေ မဲ့ ဦးနုက အတိုက်အခံ ပမညတနဲ့တခြားအဖွဲ့တွရဲ့အကူအညီနဲ့အနိုင်ရသွားတဲ့အခါမှာ ဦးကျော်ငြိမ်းက “ကိုကြီးနု အစိုးရတော့ လန်ချားကုလား ယန်ကနား အစိုးရ ဖြစ်သွားဘီ။ လက်ဝဲသမားဦးသိန်းဖေမြင့် “ဒိုင်းနား၊ ဘားယား”လုပ်သလို ဆွဲရမဲ့အစိုးရပါဘဲ” လို့ဝေဖန်ခဲ့ပါတယ်။ ကာတွန်းဆရာဦးအောင်ရှိန်ကလဲ မော်ဒန်ကာထွန်းမှာ စုံထောက်ဦးရှံစားက ဖိနပ်ချုပ်ကုလားအယောင်ဆောင်ပြီး  စုံထောက်ခန်းမှာ ဗမာ ခေါင်းပေါင်းမချွတ်ပဲဖိနပ်တိုက်နေတော့ ဖိနပ်အတိုက်ခံသူက “အမယ်၊ဖိနပ်ချုပ်ကုလားကလဲ ဗမာခေါင်း ပေါင်းနဲ့ပါလား”လို့ပြောလိုက်ရာမှာ ဦးရှံစားက “ဟရေး အာကိုဂျီး၊ ယန်ကနား အချိုးရတောင် ရွှေးဖလား လားရောင်ဂေါင်းဘောင်းနဲ့မဟုတ်လား၊ ဖိနပ်ချုပ်ကုလားအပ္ပနားလဲ ဂေါင်းဘောင်းနဲ့မှခေတ်မီတာပေါ့ အာ ကိုဂျီးရဲ့” လို့ ကုလားသံနဲ့သရော်ခဲ့ပါတယ်။
ပြည်တော်သာစီမံကိန်း
ဖဆပလအစိုးရက တိုင်းပြည်တိုးတက်ဖို့ ပြည်တော်သာစီမံကိန်း လုပ်ပါတယ်။ ပြည်တော်သာစီမံကိန်း နဲ့ဆောက်တဲ့တိုက်တွေ၊ ကျောင်းတွေကို ပြည်တော်သာတိုက်၊ ပြည်တော်သာ ကျောင်းတွေလို့ခေါ်ပါ တယ်။ ဒီအဆောက်အဦးတွေ ဒီနေ့အထိအသုံးဝင်နေဆဲပါ။ ပြည်တော်သာစီမံကိန်း နဲ့ တင်သွင်းလာတဲ့ Land Rover ကားကိုလည်း ” ပြည်တော်သာဂျစ်”လို့ခေါ်ကြပါတယ်။  ပြည်တော်သာခေတ်ကလွတ်လပ် စွာရေးသားပြောဆိုပုံနှိပ်ခွင့်အနည်းဆုံး ၉၅ ရာခိုင်နှုန်းလောက်ပေးထားတော့ အစိုးရ ကိုသရော်တဲ့ ကာ တွန်း၊ သရော်စာ၊ ပြက်လုံးတွေအများကြီးပေါ်လာခဲ့ပါတယ်။ အငြိမ့်ပွဲမှာ လူပြက်နှစ်ယောက်ဆရာနဲ့ တ ပည့်လုပ်ပြီး မြန်မာသင်ပုန်းကြီးဖတ်စာအခန်းမှာ”မာရှယ်တီးတိုးလာပြီ၊ တဲအိမ်တွေ ဖျက်ရမည်။ ဆင်းရဲ သားတွေဒုက္ခရောက်၏။ ဒါပေမဲ့ ပြည်တော်သာပါသည်”။ ” ပြည်တော်သာတိုက်တွေ ဆောက်ပြီးပြီ။ ဆင်းရဲသားတွေစောင့်အုန်း။ ငါတို့ဆွေမျိုးတွေအရင်ပေးမယ်။ ဒါပေမဲ့ ပြည်တော်သာပါ၏။  “လက်မှတ် ရောင်းအမျိုးသမီးတွေချော၏၊ သို့သော်ပြည်တော်သာဘတ်စကားရပ်မပေးပါ။ တက်စီ စီးစရာရာငွေမရှိပါ။ မာစီဒီးကားစီးသည့်ဝန်ကြီးများ  ဤဒုက္ခကို သိမည်မဟုတ်။ ဒါပေမဲ့ ပြည်တော်သာပါသည်”။ ” ပြည်တော် သာကျောင်းတွေခန့်ညားသည်။ အခမဲ့ပညာရေးလည်းကောင်းပါ၏။  သို့သော်ဝန်ကြီးများ သားသမီးများ ကို  ပြည်တော်သာကျောင်း၌ မထားကြပါ။ ဝန်ကြီးသားသမီးများ အင်္ဂလိပ်ကျောင်းတက်ကြပါသည်။ ဒါပေမဲ့ ပြည်တော်သာပါသည်” လို့ပြောင်ပြောင်တင်းတင်း ဝေဖန်ရဲတဲ့ခေတ်ပါ။
ပြည်တော်သာနိုင်ငံခေတ်က စံပြအကျဉ်းထောင်တွေက အကျဉ်းသားတွေရဲ့ဘဝဟာလည်း မဆိုးပါဘူး။ ဆရာကြီးဒဂုန်ရွှေမျှားက ကိုလိုနီခေတ်ကထောင်တွေကို ပြည်တော်သာနိုင်ငံခေတ်ကစံပြထောင်တွေနှဲ့ ယှဉ်ပြကာ “မှတ်မိပါသေးတယ် ပြည်မြို့က အကျဉ်းထောင်ဝယ်” ခေါင်းစဉ်နဲ့ရေးခဲ့ပါတယ်။ နိုင်ငံရေး အချုပ်သားနဲ့အကျဉ်သားတွေဟာ အထူးတန်းရပါတယ်။ အထူးတန်းရတဲ့ရာဇဝတ်မှုနဲ့ထောင်ကျသူ ဟာ လည်း အလုပ်မလုပ်ရဘဲနေ့တိုင်းထမင်းကောင်းဟင်းကောင်းစားရတဲ့အပြင် ကူဖော်လောင်ဖက်အဖြစ် ရိုးရိုးတန်းကအကျဉ်သား တစ်ယောက်အနည်းဆုံးရပါတယ်။ ရိုးရိုးတန်းကအကျဉ်သားတွေကလည်း နေ့ တိုင်းထမင်းကောင်းဟင်းကောင်းစားရတော့ အထူးတန်းအကျဉ်သားတွေဆီမှာ ကူဖော်လောင်ဖက် အဖြစ်သွားချင်ကြပါတယ်။ လူထုဦးလှတို့ဗန်းမော်တင်အောင်တို့ အဖမ်းခံနေရဆဲမှာ စာအုပ်တွေရေးသား ထုတ်ဝေနိုင်ခဲ့ကြပါတယ်။ နာမည်ကြီးနိုင်ငံရေးသမားတစ်ယောက်ဆိုရင်”ငါးဆွဲ”ခံထားရတုန်း(ပုဒ်မ ၅ နဲ့ အဖမ်းခံရတာကိုသုံးတဲ့ အဲဒီခေတ်ကဘန်းစကား) ၁၉၆၄ မှာဖျက်ပစ်လိုက်တဲ့ ရန်ကုန်ထောင်ထဲမှာ တစ် ယောက်ထဲအတွက်အိမ်ကလေးတစ်လုံး၊ ကူဖော်လောင်ဖက်အဖြစ် ရိုးရိုးတန်းကအကျဉ်သားက နှစ် ယောက်၊ သူ့ဇနီးကလဲမနက်ကတည်းက သူ့ဆီလာနေတာ တစ်ခါတစ်လေ ညလည်းမပြန်တော့ဘူး။ အစိုးရကလည်းဘာမှမပြောလို့သာထောင်အရာရှိတွေက မျက်စိတ်မှိတ်နေကြတာပေါ့။ ဒီနိုင်ငံရေးသမား ရဲ့ဇနီး သူ”ငါးဆွဲ”ခံထားရတုန်းဘဲ သူနဲ့ကိုယ်ဝန်ရှိပြီး ကလေးတစ်ယောက်မွေးတဲ့အထိ လွတ်လပ်ခဲ့ပါ တယ်။
ရိုးရိုးတန်းကအကျဉ်သားတွေကိုလည်း လက်သမားအတတ်၊ ဖိနပ်ချုပ်နည်း၊ စာအုပ်ချုပ်နည်း။ ဂဟေ ဆော်နည်း၊ ဥယျာဉ်လုပ်နည်း၊ ဆပ်ပြာချက်အတတ် စတာတွေသင်ပေးပါတယ်။  အကျဉ်းသားတွေ ထဲက လေ့လာလိုသူတွေ ဗုဒ္ဓဘာသာစာပေ လေ့လာနိုင်စေရန် ရဟန်းတော်များ (အကျဉ်းသူတွေအတွက် သီလ ရှင်များ) ကို တနင်္ဂနွေနေ့တိုင်း စံပြထောင်တွေထဲသွားပြီးသင်ကြားစေပါတယ်။ မင်္ဂလာစာမေးပွဲတွေ ကျင်း ပပြီး အောင်မြင်သူကို ကျခံနေရတဲ့ထောင်ဒါဏ်ထဲက လျှော့ရက်တွေပေးပါတယ်။ အခြားဘာသာဝင် အကျဉ်းသားတွေအတွက်လဲ ခရစ်ယာန်ဘုန်းကြီး၊ သင်းအုပ်ဆရာ၊ မော်လဝီ၊ ဆွာမိကြီး စသူတွေ  စံပြ ထောင်တွေထဲသွားပြီး သက်ဆိုင်ရာဘာသာအလိုက် ဟောပြောခွင့်၊ ဝတ်ပြုခွင့်တွေပေးပါတယ်။
ဦးနုဟာ ဗုဒ္ဓဘာသာကို အလွန်ကိုင်းရှိုင်းသူဖြစ်ပြီး နိဗ္ဗာန်ရောက်ရေးမှာတောင် ရဟန္တာအဖြစ်နဲ့ မရောက် လိုပဲ ဘုရားဆုပန်ထားသူဖြစ်တယ်လို့ တရားဝင်ထုတ်ဖော်ပြောကြားခဲ့သူပါ။ သားငါးမစားပဲ သက်သတ် လွတ်စားသူ၊ အရက်မသောက်သူလို့လည်း သတင်းကြီးပါတယ်။ ဦးနုဟာ သာသနာ့ဒါယကာဖြစ်လိုတာ ကြောင့် ဆဋ္ဌသင်္ဃာယနာတင်ပါတယ်။ စုစုပေါင်း အဲဒီခေတ်ကကျပ်ငွေတစ်ကုဋေ (အမေရိကန်ဒေါ်လာ  နှစ်သန်း) ကုန်လို့  ပြည်တွင်းစစ်ဖြစ်နေဆဲမှာ ငွေဖြုန်းတယ်လို့ဝေဖန်သူတွေရှိခဲ့ပေမဲ့ လူများစု ဗုဒ္ဓဘာသာ ဝင်ရဟန်းရှင်လူတွေကတော့ သာဓုသုံးကြိမ်ခေါ်ပြီးထောက်ခံကြပါတယ်။
မြန်မာပြည်ဟာ လယ်ယာစိုက်ပျိုးရေး  နိုင်ငံဖြစ်လို့ကျွဲနွားလိုတယ်ဆိုတဲ့အကြောင်းပြပြီး ကျွဲနွားသတ်ခွင့်၊ အမဲသားရောင်းခွင့်တို့ကို တရားဝင်ပိတ် ပင်ထားပါတယ်။  နှစ်စဉ် မူဆလင်ဗက္ကရီးအစ်ရောက်ခါနီးမှာ မူဆလင်တွေကလဲနွားသတ်ချင်၊  ဦးနုက လည်း သူ့အနေနဲ့ သတ္တဝါတွေကိုသတ်ပြီးပူဇော်တာကို ခွင့်မပြု လိုပေမဲ့ ဘာသာရေးပွဲတော်ဖြစ်လို့ ခွင့်ပြုပါမယ်။ ဒါပေမဲ့ ဗက္ကရီးဆိုတာ ကုလားစကားမှာ ဆိတ်ကိုခေါ် တာဖြစ်လို့ ဆိတ်ကိုသာသတ်ပြီးပူဇော်ကြပါ၊ နွားကိုတော့ မသတ်ကြပါနဲ့လိုတောင်းပန်၊ သူ့ကဲဘိနက် ထဲကဝန်ကြီး ဦးရာရှစ်နဲ့ ဦးခင်မောင်လတ် ခေါ် အဗ္ဗဒူလတစ် အပါအဝင်မူဆလင်တွေကလဲနွားကိုသာ သတ်ချင်ကြတာကြောင့် တစ်ကြိမ်မှာ ဦးနုဟာ အစာငတ်ခံဆန္ဒပြခဲ့ပါတယ်။ နောက်ဆုံးမှာနှစ်ဘက်ညှိနှိုင်း ကြကာ လူဦးရေအလိုက် နွားကောင်ရေ ခွဲတမ်းချပေးပြီး သက်ဆိုင်ရာဗလီထဲမှာသာသတ်ကြရန်၊ အခြား ဘာသာဝင်များ စိတ်အနှောက်အယှက် မဖြစ်စေရန်  နွားတွေကို မြို့ထဲမှာ ကြိုးနဲ့ဆွဲပြီး မသွားကြဖို့၊ သွေး ပေနေတဲ့ အဝတ်အစားနဲ့ မြို့ထဲမှာ မသွားကြဖို့တွေ သဘောတူကြပါတယ်။

ရန်ကုန်ဘတ်စကား
၁၉၅၅ ခုလောက်မှာ ဦးနုအစိုးရက ပြည်တော်သာစီမံကိန်းနဲ့ ဟန်ဂရီနိုင်ငံက Ikarus ဘတ်စကားကြီးတွေ တင်သွင်းပါတယ်။ ဂျပန်ကလည်း Hino နဲ့ Isuzu ဘတ်စကားကြီးတွေရောက်လာပါတယ်။ အဲဒီဘတ်စ ကားကြီးတွေကို ပြည်တော်သာကားလို့ခေါ်ပါတယ်။ ပြည်တော်သာကားတွေမှာ ယူနီဖောင်းဝတ် လက် မှတ်ရောင်းအမျိုးသမီးတွေစခန့်ပါတယ်။ တစ်ကားမှာနှစ်ယောက်စီပါပါတယ်။ ကားရှေ့ပေါက်က အတက်  ဖြစ်ပြီးနောက်ပေါက်က ဆင်းရပါတယ်။ မောင်းသူ၊ရောင်းသူ၊ စီးသူအားလုံးစည်းကမ်းရှိကြပြီးကားကြီးတွေ ကလည်း သန့်ရှင်းကြပါတယ်။ အဲဒီခေတ်က”စပယ်ယာမ” လို့ မခေါ်ဘဲ “လက်မှတ်ရောင်းအမျိုးသမီး” လို့ သာခေါ်ကြပါတယ်။ ဘတ်စကားတွေမှာနံပါတ်မတတ်သေးပါဘူး။ ရုပ်ပုံတံဆိပ်တွေနဲ့ပါ။ ဗမာစာမတတ်သူ တွေအတွက်ပိုအဆင်ပြေပါတယ်။ ရွက်လှေတံဆိပ်နဲ့ကားက ကြည့်မြင်တိုင်ဆိပ်ကမ်းက ပုစွန်ထောင်ဆိပ် ကမ်းကိုအသွားအပြန်ဆွဲတဲ့လိုင်းပါ။” တောင်ပံကား” က သိမ်ကြီးဈေးနဲ့အင်းစိန် အသွားအပြန်လိုင်းပါ။ အင်းစိန်မော်တော်ယာဉ်ရုံးတံဆိပ်ကဗြဟ္မာရုပ်ပါ။ မီးရထားတံဆိပ်နဲ့ကားက ရန်ကုန်ဘူတာကြီး (ကွမ်းခြံ ဘူတာ)ကိုရောက်ပါတယ်။ ၁၉၅၉ ခုနှစ် အိမ်စောင့်အစိုးရခေတ်မှာ အရုပ်နဲ့ဘတ်စကားလိုင်းတွေကို နံပတ်နဲ့ပြောင်းလိုက်ရာမှာ မြင်းဖြူ၊  မြင်းနီ၊ မြင်းကျားတို့က နံပတ် ၁ ၊ ၂ ၊ ၃ ဖြစ်သွားပြီး မီးရထားတံဆိပ် က နံပတ် ၄ ၊ ဆင်ဖြူ နဲ့ ဆင်မဲက ၅ နဲ့ ၆၊ နဂါးက ၇၊ တောင်ပံကား က ၈၊ ကြံ့ က ၉၊ ကျန်တဲ့ ညောင်ပင်၊ လေယာဉ်ပျံ၊ ခြင်္သေ့၊ ရွက်လှေ စတာတွေလည်း နံပတ်နဲ့ဖြစ်သွားပါတယ်။ စုစုပေါင်း ၁၅လိုင်း ရှိပါတယ်။ နံပါတ် ၁၆လိုင်းက ၁၉၆၀ လောက်မှပေါ်လာတာပါ။ ကမာရွတ်လှည်းတန်းဈေးက ဆင်မလိုက်၊ ကြည့်မြင် တိုင်၊ မြေနီကုန်း၊ ရွှေဂုံတိုင်တို့ကိုပတ်ပြီး တာမွေအထိသွားတဲ့ နံပတ် ၁၆ လိုင်းကတော့ ဘတ်စကားပုံ မဟုတ်ဘဲ လူ၁၆ယောက်သာဆန့်တဲ့ ဂျပန်လုပ် ဒတ်ဆန်း လိုက်ထရပ်လေးတွေပါ။
ဘတ်စ်ကားကျပ် တယ်ဆိုတာ ဘယ်လိုဟာလဲလို့ မေးယူရမည့်ခေတ်ပါ။ ဘတ်စ်ကားစပယ်ယာတွေကလဲ ယဉ်ကျေးကြပါတယ်။ အစ်ကို၊ အစ်မ၊ ညီလေး၊ ညီမလေး၊ ဦးလေး၊ ဒေါ်ဒေါ် သင့်တော်သလိုခေါ်ပြီး “လာပါခင်ဗျ၊၊ ကားချောင်ပါတယ်ခင်ဗျ၊၊ စိန်အောင်မင်းတောင်ဝင်ကနိုင်လောက်အောင်နေရာရှိပါတယ် ခင်ဗျ၊” လို့အော်ခေါ်လေ့ရှိပါတယ်။
ရန်ကုန်တက္ကသိုလ်နားကဖြတ်သွားတဲ့ဘတ်စ်ကားလိုင်းတွေ၊  နဂါးရုပ် (နောင် နံပါတ် ၇ လိုင်း)၊ တောင်ပံ ကားရုပ် (နောင် နံပါတ် ၈ ) ၊ ကြံ့ရုပ် (နောင် နံပါတ် ၉ ) စတဲ့လိုင်းတွေက ကားစပယ်ယာတွေဟာ ပိုပြီး ယဉ်ကျေးကြပါတယ်။ သူတို့ပြောလေ့ရှိတာက “ကျနော်တို့ ဟာ နောင်တခေတ်မှာ ခေါင်းဆောင်ဖြစ်မဲ့ 
တက္ကသိုလ်ကျောင်းသူကျောင်းသားတွေနဲ့ ဆက်ဆံနေရတာဆိုတော့ အထူးပိုပြီး ယဉ်ကျေးရပါမယ်” လို့ ပြောလေ့ရှိပါတယ်။သူတို့ ပြောတာလည်း မှန်ပါတယ်။ အဲဒီအချိန်က နိုင်ငံခေါင်းဆောင်ဖြစ်နေတဲ့ ဦးနုတို့ ဦးကျော်ငြိမ်းတို့၊ အ တိုက်အခံခေါင်းဆောင်ဖြစ်နေတဲ့ ဦးသိန်းဖေမြင့်တို့ဟာလည်း  တက္ကသိုလ်ကျောင်း သားဟောင်းတွေပါ။ ဒါကြောင့်လဲ ရန်ကုန်တက္ကသိုလ်နားကိုဖြတ်သွားတဲ့ ကားလိုင်းတွေက ယာဉ်မောင်း သူတွေ ၊ လက်မှတ်ရောင်းသူတွေက “ငါတို့ ဟာ ဗမာပြည်ရဲ့ခေါင်းဆောင်လောင်းတွေကို အကြို အပို့့ လုပ်နေရတာ” ဆိုပြီး တခြားလိုင်းတွေက ယာဉ်မောင်း ၊ လက်မှတ်ရောင်းတွေ အပေါ်မှာဂုဏ်ယူပြီး ပြောလေ့ရှိပါတယ်။
တကယ်လည်း မှန်ပါတယ်။ အဲဒီခေတ်က တက္ကသိုလ်ကျောင်းသားတွေကို လူတကာကလေးစားကြပါ တယ်။ စာရေးဆရာတက္ကသိုလ်ဘုန်းနိုင်က သူ့ ဝတ္တု တစ်ခုထဲမှာ ၁၉၄၉ ခု နှစ် ရန်ကုန်ကို သူပုန်တွေဝိုင်း ထားတုန်း တက္ကသိုလ်ကျောင်းသားတွေ အစိုးရတပ်ထဲဝင်ပြီး သူပုန်တွေကို တိုက်ဖို့လုပ်ရာမှာ အစိုးရစစ် သားတွေက “ညီလေးတို့ နောက်တန်းမှာဘဲနေပါ၊ သေစရာရှိရင် ဒို့ အရင်အသေခံပါမယ်၊ ညီလေးတို့ က တစ်နေ့မှာတိုင်းပြည်ခေါင်းဆောင်လုပ်ရမဲ့လူတွေပါ၊ ဒို့ စစ်သားတွေဆိုတာ စစ်ပွဲမှာသေတာမဆန်းဘူး၊ ညီလေးတို့ အသက်က တိုင်းပြည်အတွက် တန်ဖိုးရှိပါတယ်လို့ တကဲ့စစ်သားစိတ်ဓါတ်နဲ့ ပြောခဲ့ဖူးကြောင်း အတိအကျရေးထားခဲ့ပါတယ်။ ဝန်ကြီးချုပ်ဦးနုရဲ့ လူထုအောင်သံပြဇာတ်ထဲမှာလဲ “တကဲ့စစ်သားဆိုတာ စည်းစိမ်ခံဖို့မလိုဘူး၊ ဝီစကီကို သောက်ပြီးစည်းစိမ်ခံချင်တဲ့သူဟာ တကဲ့စစ်သားမဟုတ်ဘူး၊ ဝီစကီကို သောက်ပြီး မှိန်းနေတဲ့ သင်းထားတဲ့နွားနဲ့ ဘာမှ မထူးဘူး” ဆိုပြီး တကဲ့စစ်သားဝါဒကို ထုတ်ဖေါ်ပြခဲ့ ပါတယ်။

ပညာရေး
ကိုလိုနီခေတ်ပညာရေးကို ကျွန်ပညာရေးလို့ ခေါ်ခေါ် ဘာဘဲခေါ်ခေါ် ပညာရေးမှာ ကမ္ဘာ့အဆင့်ကို ကောင်းကောင်း မီခဲ့ဖူးပါတယ်။ ကိုလိုနီခေတ်က ဘွဲ့ ရခဲ့သူများဟာ လွတ်လပ်ရေးရပြီးနောက် ရန်ကုန် တက္ကသိုလ်မှာဆရာများ ဖြစ်လာခဲ့ကြတယ်။ ၎င်းဆရာများရဲ့ သင်ကြားပေးခြင်း ခံခဲ့ရတဲ့ တပည့်များလဲ ကမ္ဘာ့အဆင့်ကို မီခဲ့ကြတယ်။ ဦးနု အစိုးရက အင်္ဂလန်၊ အမေရိကန်၊ ကနေဒါ၊ သြစတြေးလျ စတဲ့နိုင် ငံတွေကို ပညာတော်သင်များ စေလွှတ်တယ်။ ပညာတော်သင်များ ရဲ့ ၉၉ ရာခိုင်နှုန်းကလဲ အမိနိုင်ငံကို ပြန်လာပြီး ကျရာတာဝန်များကို ထမ်းရွက်ကြပါတယ်။ ဒါကြောင့်ပညာရေးအဆင့်အတန်းကလည်းမြင့်ပါ တယ်။ စာမေးပွဲတွေမှာ မတတ်ဘဲနဲ့မအောင်ပါဘူး။ အထူးသဖြင့် ၁၀တန်းစာမေးပွဲလို့ခေါ်တဲ့ တန်းမြင့် ကျောင်းထွက်နှင့်တက္ကသိုလ်ဝင်စာမေးပွဲမှာ အောင်သူ ၁၀% တောင်မရှိခဲ့ပါဘူး။ ၁၉၅၉ ခုနှစ်က ၃.၄% ဘဲရှိပါတယ်။ တရာဖြေမှ လေးယောက်တောင်မအောင်ခဲ့ပါဘူး။ အဲဒီနှစ်မှာ ဗိုလ်ချုပ်အောင်ဆန်းရဲ့ သားကြီးသြရသ အောင်ဆန်းဦးကဂုဏ်ထူးနှစ်ခုနဲ့အောင်ခဲ့ပါတယ်။ရန်ကုန်တက္ကသိုလ်ရဲ့ အဆင့်ကလည်း ကမ္ဘာအဆင့်မီခဲ့ပါတယ်။ အာဖရိကတိုက်ကတချို့ကျောင်းသားတွေ ရန်ကုန်တက္ကသိုလ်မှာလာတက်ခဲ့ရ ပါတယ်။
ပညာရေးစနစ်မှာလဲ နိုင်ငံပိုင်ကျောင်းများသာမက အလွတ်ပညာသင်ကျောင်းများ၊ ခရစ်ယန် သာသနာပြု ကျောင်းများပါရှိလို့ကိုယ်ကြိုက်ရာကျောင်းမှာ သင်ကြားနိုင်ခဲ့ကြပါတယ်။ တက္ကသိုလ်ဝင်တန်း အောင်ရင် တက္ကသိုလ်မှာ ကိုယ်ကြိုက်ရာ ၀ါသနာပါရာ ဘာသာရပ်ကို ရွေးချယ်ခွင့်ရှိပါတယ်။ ကိုယ်စိတ်မ၀င်စားတဲ့ ဘာသာရပ်ကို အတင်းသင်ယူရခြင်းမရှိပါ။ စာတော်သူအများစုကလဲ ကိုယ်စိတ်မပါရင် ဆရာဝန်၊ အင်ဂျင် နီယာ ဘာသာရပ်များကို မသင်ကြဘဲ Honours ခေါ် ဂုဏ်ထူးတန်းကို ကိုယ့်စိတ်ကြိုက်ဘာသာရပ်နဲ့ တက်ရောက်သင်ကြားကြပါတယ်။ ဝိဇ္ဇာပညာရပ်များ သင်ကြားသူများလဲ ဂုဏ်မငယ်ကြပါ။  ဆေးပညာ အင်ဂျင်နီယာအတတ်တို့မှာလဲတကယ်စိတ်ပါသူများသာတက်ရောက်ဘွဲ့ ယူခဲ့ကြပြီး တကယ်တတ်သူက တတ်လိုသူကို ပညာသင်ပေးတဲ့ ခေတ်နဲ့စနစ်ဖြစ်ခဲ့ပါတယ်။
ဆက်စပ်လို့ရယ်စရာတစ်ခုပြောရရင်  ၁၉၅၉ ခုနှစ်မှာ တိဘက်ပြည်ကို တရုတ်ဝင်သိမ်းတယ်။ တိဘက် ရဟန်းမင်းကြီး ဒလိုင်းလားမား အိန္ဒိယကို ထွက်ပြေးရတယ်။  မြန်မာသတင်းစာတွေက  တိဘက်ရဟန်း မင်းကြီး ဒလိုင်းလားမားကို “ခေတ်သစ်တရုတ်ပြေးမင်း” လို့ ရေးကြတယ်။ အဲဒီနှစ်မှာဘဲ သမိုင်းစာမေးပွဲ မှာ “တရုတ်ပြေးမင်း၏ဘွဲ့ အမည်ကိုရေးပါ” ဆိုတဲ့ မေးခွန်းပါလာတယ်။ အဖြေမှန်ကတော့ နရသီဟပတေ့ ပေါ့။  ဒါပေမဲ့ ခပ်နောက်နောက်ကျောင်းသားတစ်ယောက်က “မေးခွန်းမှာ မရှင်းပါ၊ မတိကျပါ။ ပုဂံခေတ် က တရုတ်ပြေးမင်းဆိုလျှင်နရသီဟပတေ့ဖြစ်ပါသည်။ ယခုလက်ရှိ တရုတ်ပြေးမင်းဆိုလျှင် တိဘက် ရဟန်းမင်းကြီး ဒလိုင်းလားမားဖြစ်ပါသည်။ ၁၉၄၉ ခုနှစ်ကတရုတ်ပြေးမင်းဆိုလျှင် တရုပ်ဖြူ ချန်ကေရှိတ် ပါ” လို့ဖြေလိုက်ပါတယ်။ ဆရာတွေက သူ့ကို စိတ်မဆိုးဘဲ “အသေချာစဉ်းစားနိုင်ပါပေတယ်၊ တော်ပါပေ တယ်” လို့ ချီးမွမ်းကြပါတယ်။
ရန်ကုန်တက္ကသိုလ်နဲ့မန္တလေးတက္ကသိုလ်တို့ဟာ ပညာရေးဝန်ကြီးရဲ့အောက်မှာမရှိဘဲ ကိုယ်ပိုင် အက် ဥပဒေတွေအရ တက္ကသိုလ်ဆီးနိတ်အဖွဲ့နဲ့တက္ကသိုလ် ကောင်စီတို့ကအုပ်ချုပ်ပါတယ်။  တက္ကသိုလ် ကောင်စီမှာကျောင်းသားကိုယ်စားလှယ်နှစ်ယောက်ပါပါတယ်။ ကိုယ်စားလှယ်နှစ်ယောက်ကို ကျောင်း သားတွေကမဲပေးစံနစ်နဲ့ရွေးချယ်ရပါတယ်။ ဝန်ကြီးချုပ်ဟာ မူအရ ရန်ကုန်တက္ကသိုလ်အဓိပတိ၊ ဒု ဝန်ကြီး ချုပ်ဟာ မူအရ မန္တလေးတက္ကသိုလ်အဓိပတိဖြစ်ပေမဲ့ ပညာရေး၊ အုပ်ချုပ်ရေးကိစ္စတွေမှာ ဝင်စွက်လေ့ မရှိပါ။
ကျောင်းသားဆန္ဒပြပွဲများ မကြာခဏဖြစ်ပေါ်လေ့ရှိပေမဲ့ ဘယ်အာဏာပိုင်ပုဂ္ဂိုလ်ကမှ တိုင်းပြည်နောင်ရေး ဒုက္ခပေးမဲ့ ဘုန်းဘောလအော အအောင်ပေးတဲ့စနစ်၊ ကျောင်းသားအချင်းချင်း သွေးကွဲစေမဲ့စနစ်၊ ကျောင်းသားများ မဆူပူပြီးရော အစိုးရဆန့်ကျင်ရေးလုပ်တာကလွဲပြီး ကျန်ကိစ္စများကို ကြိုက်သလိုလုပ် ထားခွင့်၊ ဥပမာ ကျောင်းဆောင်များထဲ ဖဲရိုက်။ အရက်သောက်။ မူးယစ်ဆေးဝါး သုံးစွဲတာကို လျစ်လျူပြု ထားခြင်း စတာမျိုး ခွင့်မပြုခဲ့ကြပါဘူး။
-အပိုင်း-၂-
-
ရန်ကုန်သင်္ကြန်
လွတ်လပ်ရေးရပြီး ပြည်တော်သာခေတ်မှာလွတ်လပ်စွာရေးသားပြောဆိုပုံနှိပ်ခွင့်အနည်းဆုံး ၉၅% လောက်ပေးထားတဲ့အချိန်မို့ ရန်ကုန်သင်္ကြံမှာ မီးသတ်ပိုက်များသုံးပြီး အကြမ်းပတမ်း ရေပက်ခြင်း၊ နိုင်ငံရေးမကျေနပ်မှုများ ကို သရုပ်ဖေါ်ပြခြင်း၊ သံချပ်ထိုးခြင်းစတာတွေ ခေတ်စားလာပါတယ်။ ရေပက်အကြမ်း ဆုံးနေရာများကတော့ စမ်းချောင်း၊   ရှမ်းလမ်း (ယခုအခေါ် ဗဟိုလမ်း) ရှိ  “နေဗီကွာတား” ခေါ်  ရေတပ် အရာရှိများရိပ်သာ၊ ဦးဝိစာရလမ်းနဲ့ ပြည်လမ်းကြားရှိ ယခုခေတ် ပြည်သူ့ဥယျာဉ်ဖြစ်နေတဲ့ ပြည်ထောင်စု စစ်ရဲတပ်ဌာနချုပ်၊ ၀င်ဆာလမ်း ယခုယုဇနပလာဇာ နေရာမှာရှိခဲ့တဲ့ နေပြည်တော်စစ်ဌာနချုပ်တို့ ဖြစ်ပါ တယ်။
“မီးသတ်ပိုက်ကြီးစက်ကုန်တင် လူသတ်ပွဲပင်ထင်လောက် ပါရဲ့”ဆိုတဲ့သံချပ်တွေ ခေတ်စားလာပါ တယ်။  စစ်ဌာနချုပ်တွေရှေ့မှာ ၀န်ကြီးချုပ်ဦးနုရဲ့ “လူထုအောင်သံပြဇာတ်”ကို ရုပ်ရှင်ရိုက်ရာမှ ခေတ်စား သွားတဲ့ “ဗိုလ်ကြီးရယ် ကျွန်မနွားကလေးကိုတော့ ပြန်ပေးခဲ့ပါရှင့်”ဆိုတဲ့စကားနဲ့သရော်လေ့ရှိကြပါတယ်။ “ပုလိပ် တစ်မတ်၊ ပြူစောထီး ငါးမူး၊ ယူအမ်ပီ သုံးမတ်၊ အာမီ တစ်ကျပ်၊ ဂိတ်ကြေးသတ်” ဆိုတဲ့သံချပ်နဲ့ လဲ အော်ကြ သရော်ကြပါတယ်။  ရေတပ်အရာရှိများရိပ်သာရှေ့မှာ  “အမဲသားနဲ့အာလူး၊ အာလူးနဲ့အမဲ သား နေ့တိုင်းစားရတဲ့ စံပန်ဝါလား (သမ္ဗာန်သမား)တွေ” ဆိုတဲ့သံချပ်ဟာ ရေတပ်သားများ အထိအနာ ဆုံးသံချပ် ဖြစ်ပါတယ်။  ရန်ကုန် တရုတ်တန်းနဲ့ဘင်္ဂါလီစုတို့မှာ  ညစ်ပတ်သူများက မြောင်းပုတ်ရေနဲ့ပက် လေ့ရှိလို့  “တစ်ကိုယ်လုံးနံစော်ချင်ရင် ဘင်္ဂါလီစုကိုသွားကြစို့ရဲ့၊ ရေပုပ်နဲ့အပက်ခံချင်ရင် တရုတ်တန်း ကို သွားလိုက်ကြဟဲ့” ဟု သံချပ်ထိုးကြပါတယ်။
ရန်ကုန်မြို့တော်ခန်းမရှေ့ရှိ မြို့တော်ဝန်မဏ္ဍပ်မှာ ၀န်ကြီးချုပ်ဦးနုနဲ့ ၀န်ကြီးများ တစ်ခါတစ်ရံ နိုင်ငံတော် သမ္မတကြီး  ဒေါက်တာဘဦးပါ ပါဝင်ရေကစားပြီး သပြေခက်ဖြင့် ရေပက်ခြင်း၊ အလွန်ဆုံး ငွေဖလားဖြင့် ရေပက်ခြင်းတို့သာရှိပါတယ်။ ပိုက်ဖြင့်ပက်လေ့မရှိပါဘူး။
ရန်ကုန်လျှပ်စစ်ဓာတ်အား
အဲဒီအချိန်က ရန်ကုန်မြို့မှာ မီးပျက်တယ်ဆိုတာ ဘယ်လိုဟာလဲလို့ မေးယူရမည့်ခေတ်ပါ။ ညမှာ အိမ်  တွေဟာမီးချောင်းတွေနဲ့ ထိန်လင်းနေပြီး လမ်းတွေကလည်း မာကျူရီမီးတွေ ထိန်ထိန်ညီးပြီး အပ်ကျ ရင်တောင် ကောက်လို့ရတယ်လို့ပြောနိုင်တဲ့ခေတ်ပါ။ သူခိုးဓားပြကလည်းနည်းပါတယ်။ တခါတလေ အဖော်တွေနဲ့ ည ၉ နာရီခွဲပွဲ ရုပ်ရှင်ဝင်ကြည့်ပြီး သန်းခေါင်ကျော်မှာ အိမ်ကို ညလေတဖြူးဖြူး နဲ့လမ်း  လျှောက်ပြန်ရတာ အရသာတမျိုးပါဘဲ။
ရန်ကုန်မှာ ညကျောင်းတွေလည်း အများကြီးပါ။ နေ့မှာအလုပ်လုပ်နေတဲ့သူတွေဟာ မီးချောင်းတွေနဲ့ ထိန်လင်းနေတဲ့ညကျောင်းတွေမှာ ကျောင်းတက်နိုင်ပါတယ်။ ရန်ကုန်မှာ ညဈေးတန်းလဲ ရှိပါတယ်။ ည ၆ နာရီမှ ၁၀ နာရီအထိဖွင့်ပါတယ်။ အစားအစာ က အစ အဝတ်အထည်အလယ် ကားနဲ့ လျှပ်စစ်ပစ္စည်း အဆုံးအားလုံးကို ညဈေးတန်းမှာ ဈေးချို ချို နဲ့ရနိုင်ပါတယ်။
ရန်ကုန်ရေပေးစံနစ်
ရန်ကုန်မှာရေတော့ မကြာမကြာပျက်တတ်ပါတယ်။ ရန်ကုန်ကို လှော်ကားကန်၊ သာဓုကန် နဲ့ဂျိုးဖြူကန် တို့က သောက်သုံးရေပို့ပေးပါတယ်။ ဂျိုးဖြူ ကန်ဟာ ရန်ကုန်နဲ့ မိုင် ၅၀ လောက်ဝေးတော့ လူတစ်ရပ် အမြင့်ကျော် အချင်း ၇ ပေလောက်ရှိတဲ့ရေပိုက်လုံးကြီးတွေနဲ့ရေပို့ ပါတယ်။ အဲဒီပိုက်လုံးကို သောင်းကျန်း သူတွေက မကြာခဏမိုင်းခွဲဖျက်ဆီးတတ်ပါတယ်။ မိုင်းခွဲလိုက်ရင် ရန်ကုန်မှာ ရေမလောက်တော့ဘဲ အင်မတန်ဒုက္ခရောက်ကြပါတယ်။ အစိုးရဝန်ကြီးများနေတဲ့ဝင်ဒါမီယာ၊ အရာရှိကြီးများနေတဲ့ပြည်ထောင် စုရိပ်သာနဲ့ အခြားအစိုးရဌာနများ ဖြစ်တဲ့ မီးရထား ၊ စစ်တပ်၊ စစ်ရဲ ၊ ရဲ ၊ အကျဉ်းထောင် စတဲ့ဌာနတွေမှာ တော့ ကိုယ်ပိုင်အဝီစိတွင်းတွေနဲ့ရေစုပ်စက်၊ ရေပေးစက်တွေရှိလို့ ဂျိုးဖြူရေကိုမသုံးတာကြောင့် သူတို့ တော့ ဒုက္ခမရောက်ဘဲ သာမာန်ပြည်သူပြည်သားတွေဘဲ ဒုက္ခရောက်ပါတယ်။ အဲဒါကြောင့်လည်း သောင်းကျန်းသူတွေဆန့်ကျင်ရေးအစိုးရရဲ့ဝါဒဖြန့်မှုဟာ ပိုပြီးအောင်မြင်သွားပါတယ်။ လူစီးရထားတွေကို မိုင်းဗုံးခွဲတာ၊ ခရီးသည်တင်ကားတွေကို ဓားပြတိုက်တာ၊ လူသတ်တာ စတဲ့လုပ်ရပ်တွေဟာ သောင်းကျန်းသူတွေကို အကြီးအကျယ် နံမည်ပျက်စေခဲ့ပါတယ်။
 အပြည်ပြည်ဆိုင်ရာဆက်ဆံရေး
ဦးနုအစိုးရဟာ တိကျတဲ့ကြားနေရေးဝါဒကိုကျင့်သုံးခဲ့ပြီး ဦးနုဟာ အင်ဒိုနီးရှားသမ္မတ ဆူကာနို၊ အိန္ဒိယ ဝန်ကြီးချုပ် နေရူး၊ အီဂျစ်သမ္မတ နာဆာ၊ ယူဂိုဆလားဗီးယားသမ္မတ မာရှယ်တီးတိုး တို့နဲ့အတူ ဘန်းဒွန်း ကွန်ဖရင့် နဲ့ ဘက်မလိုက်နိုင်ငံများအဖွဲ့တို့ကို ဦးဆောင်သူဖြစ်ခဲ့လို့ မြန်မာနိုင်ငံဟာ အပြည်ပြည်ဆိုင်ရာ ဆက်ဆံရေးမှာ နာမည်ကောင်းခဲ့ပါတယ်။ ဒါကြောင့်လဲ မြန်မာနိုင်ငံသားဦးသန့်ကို ၁၉၆၁ မှာ နိုင်ငံတကာ က ယုံယုံကြည်ကြည် ကုလသမဂ္ဂအတွင်းရေးမှူးချုပ်အဖြစ်ရွေးချယ်ခန့်အပ်ကြတာပါ။
၁၉၅၄ မှာ ဦးနုဟာ သူ့အတွင်းဝန် ဦးသန့် (နောင် ကုလသမဂ္ဂအတွင်းရေးမှူးချုပ်) နဲ့အတူ အိမ်နီးချင်း ယိုးဒယားနိုင်ငံကို ချစ်ကြည်ရေးခရီးသွားပြီး ဗမာဘုရင်တွေ ယိုးဒယားပြည်ကိုတိုက်ခဲ့မိတာတွေအတွက် ခွင့်လွှတ်စေလိုကြောင်းတောင်းပန်ပြီးအယုဒ္ဓယမြို့ဟောင်းပြင်ဆင်ဖို့ အဲဒီခေတ်ကကျပ်ငွေနှစ်သန်း (အမေရိကန်ဒေါ်လာ လေးသိန်း) လက်ဆောင်ပေးပါတယ်။  အတိတ်ကိုအတိတ်မှာဘဲထားခဲ့ကြဖို့ ပန် ကြားပြီး အနာဂတ်ချစ်ကြည်ရေးအတွက် ယိုးဒယားဘက်ကလဲ ရွှေတိဂုံစေတီရဲ့ထီးတော်ကို ယိုးဒယားက လုသွားတဲ့ရွှေတွေနဲ့လုပ်ထားတယ်ဆိုတဲ့ ကောလဟာလမျိးတွေ ရပ်ကြရန်ပန်ကြားခဲ့ပါတယ်။  နောက် ပိုင်းမှာ တစ်နှစ်တစ်ကြိမ် ယိုးဒယား –  မြန်မာ ချစ်ကြည်ရေး အားကစားပြိုင်ပွဲတွေ သူတစ်လှည့်ကိုယ်တစ် လှည့် အိမ်ရှင်အဖြစ်လက်ခံကျင်းပလာနိုင်ပါတယ်။ ဒီ ချစ်ကြည်ရေးအားကစားပြိုင်ပွဲတွေဟာ ၁၉၅၉ ခု ကစပြီးကျင်းပလာနိုင်တဲ့ ကျွန်းဆွယ်အားကစားပြိုင်ပွဲ တွေရဲ့အုတ်မြစ်ပါဘဲ။  ၁၉၅၉ ခုမှာတော့ ယိုးဒယား ဘုရင်နဲ့မိဖုယား  မြန်မာနိုင်ငံကို ချစ်ကြည်ရေးခရီး အဖြစ်လာပါတယ်။  ရွှေတိဂုံစေတီတော်ကို ဖူးမြော် တဲ့နေ့မှာ ဘုရင်နဲ့မိဖုယားနှစ်ပါးလုံး ယိုးဒယားရိုးရာ ဝတ်စုံဝတ်ထားပြီး  ရွှေတိဂုံစေတီတော်ကို အဲဒီခတ် ကကျပ်ငွေငါးသောင်း (အမေရိကန်ဒေါ်လာ တစ်သောင်း) လှူဒါန်းခဲ့ပါတယ်။
အမေရိကန်ဒုတိယသမ္မတ ရစ်ချတ်နစ်ဆင်လည်း  မြန်မာနိုင်ငံကို ချစ်ကြည်ရေးခရီးအဖြစ်လာပါတယ်။
ဆိုဗီယက်ဝန်ကြီးချုပ် ဘူဂါနင် နဲ့ ပါတီအတွင်းရေးမှူးချုပ် ကရူးရော့ဗ် တို့လဲ ချစ်ကြည်ရေးခရီး အဖြစ်  နှစ်ခေါက်လာပါတယ်။ အပြန်မှာ လေယာဉ်ပျံတစ်စီးနဲ့ ကျည်ဆံမပေါက်တဲ့ကားနှစ်စီး  လက်ဆောင်ပေးပြီး တောင်ကြီှးမှာခေတ်မီဆေးရုံတစ်လုံးနဲ့ကြို့ကုန်းမှာ စက်မှုတက္ကသိုလ်ဆောက်ပေးမဲ့ ကတိတွေပေးသွား ပါတယ်။ အင်္ဂလန်ကဘုရင်မကြင်ယာတော် အီဒင်ဘာရာမြို့စား ဖီလစ် မင်းသားကြီးလည်း ချစ်ကြည်ရေး ခရီးအဖြစ်လာပါတယ်။  မြန်မာပြည်ရဲ့နောက်ဆုံးအင်္ဂလိပ်ဘုရင်ခံ ဆာဟူးဘတ်ရန့်စ်ကိုလည်း  ဦးနု အစိုးရကဖိတ်လို့ လာပါတယ်။
ပြည်တွင်းနိုင်ငံရေး
နိုင်ငံရေး ခေါင်းဆောင်တွေ ရွေးကောက်ပွဲအတွက် မဲဆွယ်ရင် ငါဘယ်လောက်အနစ်နာခံပြီး ဆင်းဆင်း ရဲရဲနဲ့ နိုင်ငံရေးလုပ်ဖို့ ကြိုးစားရ တယ်ဆိုတာမျိုး မပြောကြဘူး။ ငါရွေးကောက်တင်မြှောက်ခံရရင် ဘယ်လို ရလဒ်ထွက်အောင်လုပ်မယ်ဆိုတဲ့ အချက်တွေနဲ့ မဲဆွယ်တာပါ။
မဲလိမ်မဲခိုးမှုတွေရှိခဲ့ပါတယ်။ အရပ်မဲနဲ့တပ်မဲကလဲခွဲထားတဲ့အပြင် ရွေးကောက်ပွဲကျင်းပရက်ကလဲ အရပ်နဲ့ တပ် တစ်ရက်စီဆိုတော့ ဖဆပလ အမတ်လောင်းနိုင်ဖို့မသေချာတဲ့ မဲဆန္ဒနယ်တွေကို ရွေးကောက်ပွဲကျင်းပရက် ကပ်လာမှ အစိုးရတပ်ရင်းလိုက် ပြောင်းပို့တတ်ပါတယ်။ တပ်သားတွေ၊ ဗိုလ်တွေနဲ့မိသားစုတွေ  ပေါင်းလိုက်ရင် မဲ ၁၅၀၀ က ၂၀၀၀ လောက်ရှိပြီး အားလုံးကလဲ အထက်အမိန့်အရ ဖဆပလအမတ် လောင်းကို မဲပေးရတာကြောင့် အရပ်မဲမှာနိုင်ပြီး တပ်မဲနဲ့ကပ်ရှုံးခဲ့ရတဲ့ အတိုက်အခံနဲ့တစ်သီးပုဂ္ဂလအမတ် လောင်းတွေရှိခဲ့ပါတယ်။  အစိုးရတပ်ချမထားနိုင်တဲ့နယ်တွေမှာ သောင်းကျန်းသူတွေက အတိုက်အခံ ပမညတ အမတ်လောင်းကိုမဲပေးရမယ်။  ပမညတ အမတ်လောင်း မနိုင်ရင် မဲဆန္ဒနယ်ကရွာတွေကို ဝင် ရောက်တိုက်ခိုက်ပြီးမီးရှို့မယ်လို့ခြိမ်းခြောက်ထားလို့ အတိုက်အခံ ပမညတ နိုင်တဲ့နယ်တွေလဲ ရှိပါတယ်။
ပြည်တော်သာခေတ်ကအမှားများ
ပြည်တော်သာခေတ်အရသာကို ရန်ကုန်၊ မန္တလေး စတဲ့မြို့ကြီးတွေမှာစံစားနိုင်ပေမဲ့ နယ်တွေမှာတော့ နီးရာဓားကြောက်နေရပါတယ်။  ရောင်စုံသူပုန်ကတစ်မျိုး အစိုးရတပ်တွေကတစ်ဖုံပါ။ ရှမ်းပြည်မှာ တရုတ်  ဖြူကျူးကျော်မှုကို အကြောင်းပြကာ ဗမာစစ်သား များ တပ်စွဲပြီး ဗိုလ်ကျနေကြပါတယ်။ ဖဆပလ အစိုးရ အဖွဲ့ဝင်ဆိုရှယ်လစ်ပါတီရဲ့ ခါးပိုက်ဆောင်တပ်များ လို့ နာမည်ကြီးတဲ့ စစ်ရဲတပ်များနဲ့ပြူစောထီးတပ်တွေ ကလဲ နယ်တွေမှာထင်ရာစိုင်းကြတယ်။ နာမည်ကျော် သယာဝတီခရိုင် မင်းလှလူသတ်မူတို့ မြိတ်မပို ဘယ်ရောက်သွားမှန်းမသိပျောက်သွားတာတို့ဟာ ဂါတ်တဲနားမှာဖြစ်ခဲ့ပေမဲ့ ပုလိပ်တွေဘာမှမလုပ်ရဲကြ ဘူး။  နောက်ဆုံးသိပ်လွန်လာပြီး မြိတ်နားကပင်လယ်ပြင်ထဲမှာ “အောင်ကြီးသာ” ဆိုတဲ့စက်လှေကို ဓားပြတိုက်၊ ခရီးသည်တွေသတ်ပြီး စက်လှေကိုပင်လယ်ကြောမျှောထားတဲ့ကိစ္စကျမှ ပြူစောထီးတွေကို အရေးယူရပြီး တရားခံပြူစောထီးဗိုလ် ချစ်လှိုင်နဲ့ထွန်းဝိုင်းတိုိ့ကို တရားရုံးက သေဒါဏ်ချမှတ်လိုက်တယ်။
နောက်အဆိုးတစ်ချက်က ဖဆပလခေတ်တရားရေးဝန်ကြီးဌာနကိုဦးစီးသူ ဝန်ကြီးဟာ ဦးခင်မောင်လတ် ခေါ် အဗ္ဗဒူလတစ်ဖြစ်ပါတယ်။ လူဝင်မှုကြီးကြပ်ရေးဌာနက တရားရေးဝန်ကြီးဌာနရဲ့အောက်မှာရှိတော့  ရခိုင်ပြည်မြောက်ပိုင်းမှာ ခိုးဝင်နေတဲ့ ခေါ်တောကုလားတစ်သိန်းကျော်ဟာ ဝန်ကြီး ဦးခင်မောင်လတ်ခေါ် အဗ္ဗဒူလတစ်ရဲ့ကောင်းမှုကြောင့် မြန်မာစကားရောစာပါတစ်လုံးမှမတတ်ဘဲ အမျိုးသားမှတ်ပုံတင်ကတ်  ပြားများရသွားကြပြီး မြန်မာနိုင်ငံသားဖြစ်သွားရာကတဆင့်သမိုင်းလိမ်ရိုဟင်ဂျာအမည်ခံပြီး တိုင်းရင်းသား  အတု၊ တိုင်းရင်းသားယောင်လုပ်ရန် ကြိုးစားလာကြခြင်းဖြစ်ပါတယ်။
ကွန်မြူနစ်တစ္ဆေနဲ့ ဖက်ဆစ်သရဲ
၁၉၅၇ ခုနှစ် အိမ်နီးချင်းယိုးဒယားနိုင်ငံမှာ ဖီးမာရှယ်ဆရစ်တာနာရပ်ခေါင်းဆောင်တဲ့စစ်တပ်က အာဏာ သိမ်းလိုက်လို့ ၀န်ကြီးချုပ် ပီဘူဆွန်ဂယမ်ဟာ ရန်သူ ကမ္ဘောဒီးယားနိုင်ငံကို မိုးကြိုးငှက် (Thunder Bird) အမည်ရှိကားနဲ့ထွက်ပြေးရတဲ့ဓာတ်ပုံ “မှန်ကင်းတစ်လှည့် ထင်းတစ်လှည့်” ခေါင်းစဉ် နဲ့မြန်မာသတင်းစာ တွေမှာ ပါလာပါတယ်။  နောက်တစ်ရက်နှစ်ရက်အကြာမှာဝန်ကြီးချုပ်ဦးနုက “ကွန်မြူနစ်တစ္ဆေနဲ့ဖက်ဆစ် သရဲ”ဆိုတဲ့မိန့် ခွန်းပြောပါတယ်။ သူက ဒုတိယကမ္ဘာစစ်ကြီးအပြီးမှာ ကိုလိုနီနိုင်ငံတွေ လွတ်လပ်ရေးရ လာကြောင်း၊ လွတ်လပ်ခါစနိုင်ငံ အများစု က လက်ဝဲ၀ါဒဘက်ကို ယိမ်းကြကြောင်း၊   ဒါပေမဲ့ လုံးဝ လက်ဝဲနိုင်ငံအဖြစ်မရောက်မခြင်း လက်ဝဲအုပ်စုကမကြေနပ်လို့ ကွန်မြူနစ်သူပုန်တွေပေါ်လာကြောင်း၊ အမေရိကန်ခေါင်းဆောင်တဲ့ အခြားအုပ်စုကလဲ ကွန်မြူနစ်မဖြစ်ပြီးရော လို့သဘောထားကာ ကွန်မြူနစ် ဆန့်ကျင်သူဆိုရင် ဘယ်သူ့ ကိုမဆိုထောက်ခံ အားပေးကြောင်း၊ ဒါကြောင့် အမေရိကန်အကူအညီယူတဲ့ ဖွံ့ ဖြိုးစနိုင်ငံတချို့မှာဒီမိုကရေစီ ဆိပ်သုဉ်းသွားပြီး စစ်အာဏာရှင်၊ ဖက်ဆစ် အာဏာရှင်စံနစ်များပေါ် လာကြောင်းကိုပြောပြီး တောင်အမေရိကနိုင်ငံများ၊ ယိုးဒယား၊ တောင်ကိုးရီးယား၊ ပါကစ္စတန်စတဲ့နိုင်ငံ တွေကိုဥပမာပေးသွားပါတယ်။  ဦးနုက တချို့ ဒီမို ကရေစီအစိုးရတွေဟာ ကွန်မြူနစ်ကို  အကြောက်လွန်  ပြီး စစ်တပ်ကိုချဲ့ထွင်ကြကြောင်း၊ ဒီကိစ္စဟာ တစ္ဆေကြောက်ပြီးသရဲမွေးတဲ့လူနဲ့တူကြောင်း၊ တစ်နေ့မှာ ယိုးဒယားပြည်ကပြသွားတဲ့ဥပမာအတိုင်း ကွန်မြူနစ်တစ္ဆေကိုဟန့်တားနိုင်ပေမဲ့ စစ်ဖက်ဆစ်သရဲက ဂုတ်ချိုးတာခံလိုက်ရမှာဖြစ်ကြောင်း စကားပြောတရားဟောကောင်းသူပြီပြီ၊ ဥပမာ၊ ဥပမေယျအစုံစုံ နဲ့ပြောသွားခဲ့ပါတယ်။
ဦးနုဟာ ဗေဒင်ယုံသူ၊ နတ်ယုံသူ၊ အယူသည်းသူအဖြစ်နာမည်ကြီးခဲ့ပေမဲ့ သူကိုယ်တိုင်နဲ့မြန်မာပြည်သူ   ပြည်သားတွေဟာ သူပေးတဲ့ဥပမာအတိုင်းမကြာခင် သရဲဂုတ်ချိုး ခံရတော့မယ်လို့ ဘယ်ဗေဒင်ဆရာ၊ဘယ်နတ်ကတော်၊ ဘယ်ပုဏ္ဏား ကမှ ကြိုတင်ဟောကိန်းထုတ်ခြင်း၊ နိမိတ်ဖတ်ခြင်းတို့မပြုခဲ့ကြတာ အံ့ဩစရာပါ။  တစ္ဆေကြောက်တဲ့ ဖဆပလအစိုးရဟာ သရဲမွေးမိလို့ဂုတ်ချိုးခံလိုက်ရတယ်။ သရဲကို ငယ်နိုင်လို့ ကိုယ့်ကိုယ်ကိုကိုယ်အထင်ရှိခဲ့ကြတဲ့ ဦးဗဆွေ (ကျားကြီး)၊ ဦးကျော်ငြိမ်း၊ ဗိုလ်ခင်မောင်က လေး၊ စတဲ့ဆိုရှယ်လစ်ခေါင်းဆောင်တွေဟာလဲ သရဲက ဆရာကိုကာပြန်ပြီး ဂုတ်ချိုးပြတော့မှ “ဆရာမနိုင်  နှစ်ဆောင်ပြိုင်” ဇာတ်ကနေရမှန်း သိသွားရပါတော့တယ်။    သူတို့ချည်းခံရရုံဆိုရင် တော်ပါသေးတယ်။   အခုတော့ မဆီမဆိုင်ပြည်သူကြီးခမျာမြေဇာပင်ဖြစ်ခဲ့ရတာ အနှစ်ငါးဆယ်ကျော်ခဲ့ပါပြီ။ ဦးနုကြီး ဒီမိန့်ခွန်း ကိုပြောခဲ့တဲ့အချိန်က မမွေးဖွားခဲ့သေးသူများရဲ့သားမြေးများတောင် အခုအထိ သရဲဂုတ်ချိုးခံနေရဆဲပါ။
 နိဂုံး
မြန်မာပြည်ဟာ စစ်အစိုးရအဆက်ဆက်အာဏာရူးပြီး အနှစ် ၅၀ လောက်နှိပ်စက်လိုက်လို့ ဗိုလ်ချုပ် အောင်ဆန်းနိမိတ်ဖတ်ခဲ့တဲ့ “ဟိုနိုင်ငံ”ဖြစ်လုနီးဘဝရောက်သွားရတာပါ။ ၁၉၆၂ ခု ဗိုလ်နေဝင်းတို့ အာ ဏာမသိမ်းခင် ဦးနုခေတ် မြန်မာပြည်အခြေအနေဟာ တောင်ကိုရီးယားအောက်မှာမရှိပါဘူး။ ကျွန်းဆွယ် ပွဲကိုအိမ်ရှင်အဖြစ်လက်ခံကျင်းပပေးနိုင်တာ ယိုးဒယားနဲ့မြန်မာဘဲရှိပါသေးတယ်။ ၁၉၆၃ ခု ကျွန်းဆွယ်ပွဲ ကိုအိမ်ရှင်လုပ်ရမဲ့ သီဟာနုခေတ်ကမ္ဘောဒီးယားက သပိတ်မှောက်လိုက်တော့ အခုချမ်းသာနေတဲ့ မလေးရှားကတောင် သူအိမ်ရှင်အဖြစ်လက်မခံနိုင်သေးပါဘူး၊ ၁၉၆၅ ခုနှစ်မှလက်ခံပါရစေ ၁၉၆၃ ခု ကျွန်းဆွယ် ပွဲကို ယိုးဒယားနဲ့မြန်မာတစ်ပြည်ပြည်က အိမ်ရှင်ပြန်လုပ်ပေးပါလို့ပြောနေရတဲ့အချိန်ပါ။ အဲဒီအချိန်က တရုတ်ကျွန်းလို့အခေါ်ခံခဲ့ရတဲ့စင်္ကာပူဟာ မလေးရှားပြည်ထောင်စုထဲက ခွဲမထွက်ရသေးပါဘူး။ ယိုးဒယားကပြည်တွင်းရေးကိစ္စကြောင့်လက်မခံနိုင်၊  မြန်မာပြည်ကဗိုလ်နေဝင်းကလည်းအာဏာသိမ်းအပြီး ဂျူလိုင် လ ၇ ရက်မှာကျောင်းသားတွေပစ်သတ်ခဲ့တဲ့ကိစ္စကစလို့နိုင်ငံရေးမတည်ငြိမ်တော့ လက်မခံနိုင်ဘူး။ ဒီလို နဲ့တတိယအကြိမ်ကျွန်းဆွယ်ပွဲကို ၁၉၆၅ ခုနှစ်မှာမှ မလေးရှားမှာကျင်းပပေးနိုင်ပါတယ်။
“မြန်မာပြည်ခုလိုဒုက္ခရောက်ရတာ ကျွန်တော်တို့တော်လှန်ရေးကောင်စီဝင်တွေရဲ့အပြစ်ပါ”လို့ ဗိုလ် အောင်ကြီးက ၁၉၈၈ မှာ ဝန်ခံခဲ့ပါတယ်။ ဗိုလ်နေဝင်းနဲ့မဆလ ဗဟိုကော်မတီဝင်တွေဆီပို့တဲ့  ဗိုလ်အောင် ကြီးရဲ့အိတ်ဖွင့်ပေးစာမှာ အကြောင်းစုံပါပါတယ်။

သရီးဒီ ပန်းချီကားပေါ်က မြန်မာ့နိုင်ငံရေး

လက်ရှီကျနော်တို့ မြန်မာ့နိုင်ငံရေးမှာ အစိုးရက ဒီမိုကရေစီအသွင်ကူးပြောင်းနေသောအဆင့်လို့ အတိအလင်း ကြေညာထားတယ်။

-

ဒါကို ညှာညှာတာတာ လက်ခံကြိုဆိုပီး အသွင်ကူးပြောင်းရေးကို လက်တွဲဆောင်ရွက် နေသူများ ရှိတယ်။ မယုံတ၀က် ယုံတ၀က် စောင့်ကြည့်ရင်း တလွဲတွေ့တဲ့ဟာ တွေကြောင့် ယုံရခက်နေသူတွေရှိတယ်။ မယုံရေးခြာမယုံလို့ နှုတ်ခမ်းတလန် ပန်းတလန် ဟုတ်တိပတ်တိ ပြောထားပီးကာမှ ပြောင်းပြန်လှန် ၀င်ပါလာသူတွေရှိတယ်။ မယုံဘူးဟေ့ ဆိုပီး လုံးဝ ဖရုံမသီးသူတွေရှိတယ်။

မြန်မာနိုင်ငံမှာ စစ်အာဏာရှင်ဟာ ရှင်နေလျက်က (သူ့အဆိုအရ) ဘေးထွက်ထိုင်နေပီး အာဏာကို ငြိမ်းချမ်းစွာ လွဲပြောင်းပေးလိုက်ပြီလို့( ၂ခုလုံးသည် တခုတည်းသာဖြစ်သော ) ယခင်စစ်အစိုးရ နှင့် ယခုအစိုးရတို့က ဆိုသည်။

-

အာဏာရှင်ဆိုတာ အရှင်မထွက်ဘူးတဲ့ လူထုဒေါ်အမာစကား။ ရှင်းနေတာက ရှင်နေသေးတယ်ဆိုရင် မထွက်သေးဘူး ထွက်ကို မထွက်သေးဘူး။

ခုအခြေအနေက အရင်က ဘာတခွန်းမှပြောခွင့်မရှိတဲ့အဆင့်ကနေ တလုံးစ ၂လုံးစ ပြောလို့ ရရာက အထိုက်အလျောက်ပြောနိုင်မဲ့အဆင့်ကို မျော်ကိုးတာလောက်သာပါ။ သူ့ကိုနိုင်အောင် တွန်းလှန်နိုင်သူ ခြေမှုန်းနိုင်သူ သုတ်သင်နိုင်သူ မရှိခဲ့သေးပါ။

၁၉၆၂ စစ်အာဏာသိမ်းပီးနောက်  စစ်အာဏာရှင်ကို မြန်မာပြည်သူ လူတန်းစား အလွှာအသီးသီး အစုအသီးသီး လူထုဆန့်ကျင်မှုများနဲ့ အစဉ်တစိုက် ဆန့်ကျင်လာခဲ့ကြတယ်။

-

၁၉၆၂- ကနေ ၁၉၈၉ ခုနှစ်များအထိ ဗမာပြည်ကွန်မြူနစ်ပါတီ ပါလီမန်ဒီမိုကရေစီပါတီ (ပီဒီပီ)၊ ပြည်ချစ်လူငယ်တပ်ပေါင်းစု စတဲ့ အဖွဲ့အစည်းများက နိုင်ငံရေးအယူဝါဒအရ  ဆန့်ကျင် တော်လှန်ကြသလို လူမျိုးရေးအရ တန်းတူညီမျှမှု၊ ကိုယ်ပိုင်အုပ်ချုပ်ခွင့်နဲ့ ကိုယ်ပိုင်ပြဋ္ဌာန်းခွင့် အတွက် ဆန့်ကျင်တော်လှန်တဲ့ ကရင့်အမျိုးသားအစည်းအရုံး (ကေအန်ယူ)၊ ကချင်လွတ်မြောက်ရေးအဖွဲ့ (ကေအိုင်အေ)၊ မွန်ပြည်သစ်ပါတီ စတဲ့ တိုင်းရင်းသားလက်နက်ကိုင်အဖွဲ့အစည်းတွေ တစိုက်မှတ်မှတ် လက်နက်ကိုင် တော်လှန်ရေး နဲု့လည်း ဆန့်ကျင်လာခဲ့ကြတယ်။

-

၁၉၈၉ ခုနှစ် နောက်ပိုင်းမှာ တိုင်းရင်းသားလက်နက်ကိုင်အဖွဲ့အစည်းများဟာ  မူလရှိရင်းစွဲ အဖွဲ့များအပြင် ခွဲထွက်အဖွဲ့များ၊ ချင်းအမျိုးသားတပ်ဦး (စီအန်အက်ဖ်) လို အခု နောက်ပေါ် ရခိုင်တပ်ဆိုတာလို အသစ်ပေါ်ပေါက်သောအဖွဲ့များဖြင့် အရေအတွက်အားဖြင့် ပိုလာတာ ရှိမယ်။

-

၁၉၈၉ ခုနှစ် နောက်ပိုင်းမှာ နိုင်ငံရေးအယူအဆအရ ဆန့်ကျင်တော်လှန်သောအဖွဲ့အစည်းအဖြစ် ကျောင်းသားတပ်မတော် (မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး/ မကဒတ) ဒီမိုကရေစီညီညွတ်ရေးတပ်ပေါင်းစု (ဒညတ)၊ ပြည်သူ့ကာကွယ်ရေးတပ်ဖွဲ့ (ပီဒီအက်ဖ်) စတဲ့ အဖွဲ့အစည်းအချို့ ရှိခဲ့ပေမည့်လည်း စစ်အစိုးရကို နိုင်ငံရေး၊ စစ်ရေး ထိထိရောက်ရောက် မထိုးနက်နိုင်ပါဘူး။

-

အာဏာရှင်သက်တန်းရင့်လာတာနဲ့အမျှ စစ်အာဏာရှင်များအတိုင်းအဆမရှိ ချမ်းသာကာ ပြည်သူလူထု ဆင်းရဲတွင်းနက်တယ် ဆိုတာလောက်မက အသိညဏ်ဖွံ့ဖြိုးမှု  လူနေတိုးတက်မှု အစစချွတ်ခြုံကျနေချိန်မှာ

 -

တိုင်းပြည်ရဲ့ သယံဇာတ ငွေကြေးဓန တွေကို အသုံးပြုပီး စစ်အာဏာရှင်စနစ်ကို ခိုင်မြဲရေး အသွင်ပြောင်းအကွယ်အကာတည်ဆောက်ဖို့ ညဏ်သစ်လောင်း ရင့်မာလာနေတာနဲ့အမျှ သူတို့ကို ဆက်ခံမှုပြုမည့် အခိုင်အမာ မျိုးဆက်များ အခံ အရံ မျိုးဆက်များ အတွယ်အနွယ် ကပ်ပါးးများ “ပေး-စား ကမ်း-ယူ“ အသိမဲ့ ပေါင်းမျက်နွယ်များ စသည်စသည် တည်ဆောက်လျက် နေနေတာပါ။ ဖြစ်ထွန်းနေတာပါ။

-

 အမြင်ပိုင်းမှာ ၀ဲတွေ ဖန်တီးထားတယ် မြစ်ဆုံဝဲ ဂဏန်း-နံပတ်တွေဝဲ မဲစရင်းဝဲ ပညာရေးဝဲ သမတကံစမ်းမဲဝဲ ၀ဲတကာဝဲ ရှစ်ပူးမဲ ဗက -မက၀ဲ ကိုးကန့်ဝဲ လည်နေကြပေတော့။

-

အလုပ်တွေ ဖန်တီးထားတယ် ဥပဒေတွေ ပြင်ကြ တင်ကြ လွတ်တော်တွေဝင်ကြ လုပ်ခတွေ  ကုန်ဈေးနှုံးတွေ ညိမ်းချမ်းရေးတွေ အလုပ်ရှုပ်နေကြ။ တကဲ့အရင်းအမြစ်က ထိလို့ တို့လို့မရ။

-

တိုင်းရင်းသားတွေဆိုလဲ စစ်အုပ်စု မျက်လှည့်ပွဲမှာ ပရိတ်သတ်ထဲက ဗော်လန်တီယာလို ၀ိုင်းထဲခေါ်ပီး ဟိုကိုင် ဒီလှန်လုပ်နေရတဲ့ဘ၀

-

ခြုံပြီးပြောရမယ်ဆိုရင် မြန်မာ့လက်ရှိ နိုင်ငံရေး အဆင်အပြင် အခင်းအကျင်း တခုလုံးရဲ့  အနေအထားဟာ ထိခြင်တဲ့နေရာကထိ ဖိခြင်တဲ့နေရာကဖိ ပြုခြင်ပြု ထုခြင်ထု ဘာတခုမှ သက်ရောက်မှုမရှိတဲ့ “သရီးဒီ ပန်းချီကားပေါ်က မြန်မာ့နိုင်ငံရေး ” 3D art display

 ဖြစ်နေတာပါဘဲ။

မြန်မာ့နိုင်ငံရေး သမိုင်းဝင် ဓါတ်ပုံများ

State visit of U Nu in Belgrade The Prime Minister of Burma, U Nu, is shaking hands with Yugoslav President Josip Tito (l) on his arrival at Belgrade Airport for a state visit to Yugoslavia.

 Soviet Prime Minister Marshal Nicolai Bulganin and U Nu

SEP 29 1969; FORMER BURMA PRIME MINISTER U NU IN DENVER; He talked of economic chaos, his imprisonme.

ဘီအိုင်အေ- မြိတ်စစ်ကြောင်း

မြန်မာ့လွတ်လပ်ရေးတပ်မတော် ဘီအိုင်အေ သည် ယိုးဒယားမှ မြန်မာပြည်သို့ မြိတ်စစ်ကြောင်း ထားဝယ်စစ်ကြောင်း  မြ၀တီစစ်ကြောင်း ဟု စစ်ဖကြာင်း ၃ကြောင်းဖြင့် ၀င်ရောက်ခဲ့ရာ မြိတ်စစ်ကြောင်းသည် ထိုင်းနိုင်ငံ ရနောင်းမြို့မှတဆင့် မြန်မာပြည်တောင်ဘက်အစွန်း ၀ိတူရိယအငူ (ကော့သောင်းမြို့) မှ မြိတ်မြို့ကိ်ု ချီတက်သည့် ၀ိတိုရိယစစ်ကြောင်းခေါ် ရေကြောင်းချီ စစ်ကြောင်း ဖြင့် ၂၇-၁-၁၉၄၂ တွင် စစ်တကြောင်း

ထိုင်းနိုင်ငံ ပရာကျော့ကီရီခံမြို့မှတဆင့် မောတောင်ကြားအတိုင်း တနင်္သာရီ ချောင်းရိုးဖြင့် သဘော့လိပ် ညောင်ပင်ကွင်း ကျေးရွာများကို ဖြတ်ကာ  တနင်္သာရီမြို့ ထိုမှ ပသောင်း တောင်းရှည် စသောရွာစဉ်လျောက်ကာ တော်လှန်ရေး တပ်သားများ စုဆောင်းပီး ကြည်းကြောင်းဖြင့် ၃-၂-၁၉၄၂ တွင် တကြောင်း  မြိတ်မြို့ကိ်ု ချီတက်သည့်ရောက်ရှိသည်။

မြိတ်စစ်ကြောင်းကို ၀ိတိုရိယစစ်ကြောင်းခေါ် ရေကြောင်းချီ စစ်ကြောင်း ဖြင့် ဂျပန်ဗိုလ် ဗိုလ်မုတ်ဆိတ်ဟု ထင်ရှားသော ဗိုလ်မှူးကြီး ဟီရာယာရာမ ဒုတယ ဗိုလ်မှူးကြီး အာကီကာဝါ ဗမာအမည် ဗိုလ်ဝင်း ဒုတိယဗိုလ်မှူးကြီး ဆာတို ဗိုလ်မှူး အီမာမူရာ ဗမာအမည် ငွေဓါးဗိုလ် ဗိုလ်မှူးအီဇာတို ဗိုလ်မှူးအီကေဒါ ဗမာအမည် ခွေးဘီလူး ဗိုလ်မှူး နိုဆေး ဗိုလ်မှူး ရန်နိုင် (သခင်ထွန်းရှိန်) ဗိုလ်ကြီးတောက်ထိန် (သခင်စံမြ) ဗိုလ်ကြီး မင်းခေါင် (သခင်စောလွင်) ဗိုလ် အိုရာရှီကီ တို့က ဦးဆောင်ကာ ချီတက်ရောက်ရှိပြီး မြိတ်မြို့တွင် တပ်သား စုဆောင်းကာ ကြည်းကြောင်းချီတပ်ဖြင့် ပူးပေါင်း စစ်သင်တန်းပေး လက်နက်တပ်ဆင်သည်။

ကြည်းကြောင်းချီတပ်ကို တပ်မှူး ဒုတိယဗိုလ်မှူးကြီး တိုကူနကား စစ်ရေးချုပ်- ဗိုလ်မှူးကာဝါအူချီ စစ်ရေးအရာရှိ - ရုံးအုပ် ဗိုလ်ကြီးဟိဘာကာ- အမှတ်၁ တပ်ရင်းမှူး ဗိုလ်မှူးကာတို - အမှတ၂ တပ်ရင်းမှူး ဗိုလ်မှူးနာဂါရှီး- ဗိုလ်သိန်းတန်- ဗိုလ်သာရင်- ဗိုလ်ရွှေကျေး- တို့ဦးစီးချီတက်သည်။

မြိတ်မြို့ ဘီအိုင်အေ အုပ်ချုပ်ရေးအဖွဲ့  -

ခရိုင်ဝန် ဗိုလ်သီဟ(ဦးဘဆွေ) - လက်ထောက်ခရိုင်ဝန် သခင်အောင်ကြီး - ခရိုင်ရဲဝန်ထောက် သခင်ထွန်းစိန် - အခွန်ဝန် သခင်လှသင်  - ငွေတိုက်ဝန် ဆိပ်ကမ်းဝန် ဆက်သွယ်ရေး သခင်ဂင်စိန် အုပ်ချုပ်ရေးအဖွဲ့ဝင်များမှာ ဗိုလ်စိန်လှိုင် - ဗိုလ်ကျော်သိန်း  -ဗိုလ်သာခင်  -ဦးဖေရင်  -ဦးဘဂွမ် တို့ ဖြစ်သည်။ ဦးဘရွှေ အင်ဂျင်နီယာ- သခင်အေးရုံ တောင်မှူးကြီး- သခင်သာစိန် ဒုတိယထောင်မှူးကြီး-

အမျိုးသမီးခေါင်းဆောင် သခင်မ မငွေခင်- ရဲမေခေါင်းဆောင် သခင်မ မြမြ။

ဗိုလ်မှူးးရန်နိုင်

 ရဲမေခေါင်းဆောင် သခင်မ (ဒေါ်)မြမြ

အမျိုးသမီးခေါင်းဆောင်  သခင်မ (ဒေါ်)မငွေခင်

 ဗိုလ်ချုပ်နှင့် ဘိတ်

  ဘိတ်နှင့် ဗိုလ်ချုပ်

 ဘိတ်ရဲမေတပ်ဖွဲ့ အလေးပြု

ဓါတ်ပုံများကို “ဓါတ်ပုံကပြောသော မြိတ်သမိုင်းမှတ်တိုင်များ(မောင်ပြေချမ်းမြိတ်)“စာအုပ်မှ၎င်း မိသားစု ကိုယ်ပိုင် အယ်လ်ဘန်မှ၎င်း ထုတ်နှုပ် တင်ပြပါသည်။

ဦးနု မိန့်ခွန်းများနှင့် ယနေ့နိုင်ငံရေး